Lögreglunni á höfuðborgarsvæðinu barst í nótt tilkynning um yfirstandandi innbrot í fyrirtæki á Grandanum í Reykjavík. Þegar lögreglu bar að garði fannst maður, sem grunaður er um verknaðinn, þar sem hann hafði falið sig skammt frá vettvangi í vörurými sendibifreiðar. Hann var vistaðir í fangageymslu sökum rannsóknarhagsmuna.  Þetta kemur fram í dagbók lögreglu. Þar kemur einnig fram að lögreglu hafi tekist að endurheimta þýfið úr innbrotinu.

Verkefni lögreglunnar í nótt og í gærkvöldi voru að vanda fjölbreytt. Nokkrir voru teknir grunaðir um akstur undir áhrifum áfengis og/eða fíkniefna.

Það helsta af nóttinni

Ökumaður missti stjórn á bifreið sinni laust eftir miðnætti í nótt á Kringlumýrarbraut og hafnaði bifreiðin á vegriði. Farþegi í bifreiðinni slasaðist á höfði og var fluttur með sjúkrabíl til aðhlynningar á Bráðadeild. Bifreiðin var dregin af vettvangi.

Maður var handtekinn í nótt grunaður um ölvunarakstur. Bifreið hans hafði verið tilkynnt vegna umferðaróhapps á Vesturlandsvegi og datt þar höggvari bifreiðarinnar af. Ekki urðu meiðsl á fólki og var maðurinn vistaður í fangageymslu fyrir rannsókn málsins.

Tilkynnt af um líkamsárás í Hafnarfirði. Ekki er vitað um meiðsl á árásarþola en meintur gerandi var farinn af vettvangi þegar lögregluna bar að gerði.