Samkeppniseftirlitið hefur samþykkt kaup Torgs, útgáfufélags Fréttablaðsins, á eignum Frjálsrar fjölmiðlunar, útgáfufélags DV. Um er að ræða DV, sem gefið er út vikulega, vefmiðilinn dv.is ásamt undirmiðlum, og gagnasafn.
DV á sér langa útgáfusögu en blaðið hefur í seinni tíð verið gefið út vikulega. Vefmiðillinn dv.is hefur verið flaggskip fyrirtækisins og einn vinsælasti vefmiðill landsins. Hefur hann undanfarið sett hvert aðsóknarmetið á eftir öðru.
Að fengnu samþykki Samkeppniseftirlitsins verður nú hafin vinna við yfirfærslu fjölmiðla Frjálsrar fjölmiðlunar yfir til Torgs. Vonast er til að það geti orðið á næstunni.
