Veðurstofa Íslands varar við hellaskoðunum við Eldvörpin á Reykjanesi eftir að gasmælingar voru gerðar þar í gær. Mælingarnar eru gerðar vikulega sem hluti af viðbragði vegna landriss við fjallið Þorbjörn við Grindavík.

„Breytinga hefur orðið vart og vill Veðurstofan vara við hellaskoðun á svæðinu en mælingar sýndu lífshættuleg gildi á koltvísýringi og súrefnisleysi í helli.  Margir hellar eru á svæðinu, en hellirinn sem um ræðir er við bílstæði þar sem vinsælt er að leggja upp í skoðun á Eldvörpunum. Almannavarnadeild Lögreglunnar hefur verið gert viðvart.“