Í gær greindust 30 ný tilfelli af Covid-19 innanlands hér á landi. Þar af voru í sóttkví við greiningu. 6 smit greindust á landamærunum. Samkvæmt Covid.is er aðeins eitt af þeim staðfest virkt smit en beðið er eftir mótefnamælingum í hinum fimm tilfellunum.
Nýgengi innanlandssmita er nú 230.7 og lækkar fimmta daginn í röð. Hæst fór það í 291.5 þann 17. október.
Virk smit voru í gær 1.027 og hafa samtals 4.308 greinst með Covid-19 á Íslandi.
1.844 sýni voru tekin í gær.
Enn er talsverður fjöldi í sóttkví, eða 2.452 manns en ef marka má sveiflur sem fylgdu fyrri bylgjum má búast við að þessi fjöldi fari að lækka á næstu dögum. Í heild hafa rúmlega 39 þúsund manns lokið við sóttkví hér á landi. eða rúmlega 10% þjóðarinnar.
Fjöldi fólks inniliggjandi á sjúkrahúsi vegna Covid-19 fækkar á milli daga og er nú 18, þar af þrír á gjörgæslu.
