fbpx
Mánudagur 23.nóvember 2020
Fréttir

Ætla að opna annan Vog

Ágúst Borgþór Sverrisson
Miðvikudaginn 21. október 2020 18:59

Arnar Gunnar Hjálmtýsson. Mynd: Hringbraut

Ekki missa af Helstu tíðindum dagsins í pósthólfið þitt

Lesa nánar

Hópur reyndar áfengisráðgjafa sem kennir sig við Bláa bandið stefnir að því að opna nýja meðferðarstöð í Víðinesi á Kjalarnesi sem verði sambærileg við sjúkrahúsið Vog.

Þetta kemur fram í þættinum 21 á Hringbraut í kvöld.

Talsmaður Bláa bandsins, Arnar Gunnar Hjálmtýsson, verður í viðtali við Hringbraut. Þess má geta að Arnar er bróðir söngsystkinanna Sigrúnar „Diddú“ Hjálmtýsdóttur og Páls Óskars Hjálmtýssonar.

„Það raunhæfa í stöðunni er að það er 600 manna biðlisti í meðferð og okkar markmið er að eyða þessum biðlista á tveimur árum og við teljum það raunhæft og til þess að svo megi verða að þá þurfum við í fyrsta lagi að fá húsnæði,“ segir Arnar í þættinum í kvöld. Hann leggur áherslu á að húsnæðið sé fyrsta skrefið í að byggja upp annað sjúkrahús á við Vog en heilbrigðisráðuneytið gefi síðan upp hvaða læknisfræðilegar forsendur þurfi til að fá leyfi til að reka slíka meðferðarstöð. Það sé hópurinn búinn að fara yfir og skoða og þar sé allt skýrt um hvað þurfi til að manna heilbrigðisþjónustu í slíkri meðferðarstofnun.

„Hugmynd okkar er að reka þetta með stuðningi, frjálsum framlögum og sponsorum og þetta verður rekið án hagnaðar,“ segir Arnar enn fremur um þessi djörfu áform.

Arnar Gunnar rekur áfangaheimlið Betra líf á þremur stöðum á höfuðborgarsvæðinu, þar sem eru rými fyrir 52 einstaklinga sem þurfa dvöl á áfangaheimili eftir meðferð að halda.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fimmtán innanlandssmit í gær

Fimmtán innanlandssmit í gær
Fréttir
Fyrir 2 dögum

Félagsráðgjafi segir venjulega krakka vera að ströggla – „Það spyr enginn, hvernig líður þér?“

Félagsráðgjafi segir venjulega krakka vera að ströggla – „Það spyr enginn, hvernig líður þér?“