Þá kemur einnig fram að slysið hafi átt sér stað á öðrum tímanum í nótt. „Bifreiðin hafnaði ofan í á og tókst vegfarendum sem að komu að ná manninum og konu sem einnig var í bifreiðinni, út úr henni,“ segir í tilkynningunni.
Endurlífgunartilraunir á manninum báru ekki árangur samkvæmt lögreglu. „Konan var orðin mjög köld en með meðvitund og líklega ekki mikið slösuð. Var hún flutt með sjúkrabifreið á sjúkrahúsið á Akranesi.“
Lögreglan á Vesturlandi rannsakar slysið og naut hún aðstoðar tæknideildar lögreglunnar á Höfuðborgarsvæðinu við vettvangsrannsókn. Fulltrúi rannsóknarnefndar samgönguslysa kom einnig á vettvang.
