Stoðdeild ríkislögreglustjóra, sem annast framkvæmd brottvísana úr landi, hefur sent tilkynningu þar sem óskað er eftir upplýsingum um ferðir og dvalarstað Khedr fjölskyldunnar.
Til stóð að vísa Ibrahim Mahrous Ibrahim Khedr, konu hans Doaa Mohamed Mohamed Eldeib og fjórum börnum þeirra úr landi þann 16. september síðastliðinn. Þegar lögregla mætti til þeirra klukkan 5:30 að morgni til var fjölskyldan ekki á heimili sínu við Ásbrú í Reykjanesbæ. Hún var þá farin í felur, þar sem hún er enn.
Lögmaður fjölskyldunnar lagði í dag fram í Héraðsdómi Reykjavíkur kröfu um ógildingu úrskurðar Kærunefndar um útlendingamál. Nefndin hafði áður hafnað hælisumsókn fólksins.
Samkvæmt tilkynningu ríkislögreglustjóra eru þeir sem geta gefið upplýsingar um ferðir fjölskyldunnar eða vita hvar hún er niðurkomin eru beðnir um að hafa samband í gegnum netfangið stoddeild@logreglan.is.
Fyrir helgi sagði lögreglan að fjölskyldan væri hvorki eftirlýst né leitað og að lögreglan tæki þessu með ró.
