Hrund Þórsdóttir hefur verið sagt upp störfum sem fréttastjóri Stöðvar 2 og Bylgjunnar eftir sex ár í starfi. Hrund hefur mikla reynslu úr fjölmiðlum en hún starfaði lengi sem blaðakona hjá Birtíngi m.a. sem ritstjóri Mannlífs auk þess sem hún hefur gefið út skáldsögu og hlaut fyrir hana Íslensku Barnabókaverðlaunin árið 2007. Hún starfaði sem fréttamaður á Stöð 2 áður en hún tók við sem fréttastjóri.

Hrund gekk í gegnum tímana tvenna á fréttastofunni sem skipti meðal annars um eigendur á starfstíma hennar en Vodafone keypti rekstur Stöðvar 2 og tengdra miðla árið 2017.

Hrund birti í kvöld stöðuuppfærslu á Facebook þar sem hún þakkar samstarfsfólki sínu fyrir samfylgdina :

Í fréttum er þetta helst: Í dag lauk ég störfum sem fréttastjóri Stöðvar 2 og Bylgjunnar.
Sex ár eru óvenjulangur tími í stjórnendahlutverki á fréttastofu en uppsögn felur í sér nýtt upphaf og nú hætti ég sátt eftir góð og lærdómsrík ár.

Frábært samstarfsfólk kveð ég með væntumþykju og söknuði, en stolt yfir öllu því sem við höfum afrekað saman. Fyrirtækinu og fólkinu óska ég alls hins besta!