Samkvæmt upplýsingum sem komu fram á blaðamannafundi Almannavarnadeild ríkislögreglustjóra, embætti landlæknis og Landhelgisgæslu Íslands, má búast við að kórónuveiruástandið sem nú er komið upp hér á landi vari í 2-3 mánuði.
Landspítali hefur greint allt að 100 sýni á dag og veldur Landspítali stöðunni vel að mati landlæknis. Ef álag eykst þá er hægt að leita á náðir íslenskrar erfðagreiningar.
Sóttvarnarlæknir treysti sér ekki að nefna tölur um hversu margir eigi á hættu að smitast næstu mánuði. Flestir, eða um 80% einstaklinga fái aðeins væg einkenni. Helsti áhættuhópur eru aldraðir og aðilar sem eru veikir fyrir.
