Innan íslenska Facebook-hópsins Tinderglens 18+ eru öðru hvoru birtar myndir af einstaklega slæmum sjálfslýsingum notenda á stefnumótaforritinu. Núna áðan var líklega sú versta hingað til birt. Þar má sjá lýsingu íslensks karls og er ekki hægt að segja að hún einkennist af neinu öðru en kvenhatri.

„Þetta app gerir lítið annað en að ýta undir hið kvenlega egótíska og sjálfhverfa eðli með því að veita þeim aðgang að selfie menningunni sem þær þrá og færibandi af typpum til að velja úr. Þetta um leið umbreytir mörgum þessara kvenna í vandlátar flyðrur með skítug viðhorf, sem telja sig vera „öðruvísi en hinar“. Þegar flestar þeirra hafa lítið annað upp á að bjóða nema útlit sem er á niðurleið og of frjálslega notaða píku. Svo finnst mér borðspil skemmtileg og að elda góðan mat. Reyki ekki.“

Líkt og gefur að skilja er stólpagrín gert að manninum innan fyrrnefnds hóps. „Nei vá veit þessi að ég er á lausu?? Þarf karlmann sem sjálfstraustið mitt veltur á, enda reykir hann ekki,“ segir ein meðan önnur segir hann hljóma eins og kynsveltan karlmann: „Hljómar eins og týpískur incel; vandlátar því þær vilja hann ekki, lauslátar af því þær vilja aðra.“ Hér má lesa nánar um Incels en í stuttu mál má lýsa þeim sem kynsveltum og reiðum karlmönnum.

Þess má reyndar geta að textinn er ekki einu sinni frumlegur því hann er beinþýðing úr ensku en sama texta var í gær deilt á vefsíðunni Reddit.