Jaroslava Davíðsson, ekkja Ásgeirs Þórs Davíðssonar, Geira á Goldfinger eins og hann var oftast kallaður, var meðal þeirra fimm aðila sem voru handteknir um helgina í aðgerðum lögreglu í og við Hvalfjarðargöng. Þetta kemur fram í frétt Vísis samkvæmt áreiðanlegum heimildum þeirra.
Í aðgerðunum voru gerð upptæk nokkur kíló af amfetamíni, sem gengur undir götuheitinu spítt. Naut lögreglan á höfuðborgarsvæðinu aðstoðar lögreglunnar á Vesturlandi auk sérsveitarinnar við aðgerðirnar, sem voru umfangsmiklar og ullu nokkrum umferðartöfum.
Allir hinna handteknu, utan Jaroslövu, eru erlendir ríkisborgarar. Málið telst að mestu upplýst.
Jaroslava opnaði sig í einlægu viðtali við DV í desember þar sem hún gerði upp fortíðina.
Hún kynntist Geira á Goldfinger fyrir tveimur áratugum síðan þegar hún var nýflutt til landsins og hann réði hana í vinnu. Þau opnuðu saman súlustaðinn Maxim og síðar Goldinger, sem Geiri varð svo kenndur við.
Í viðtalinu við DV sagði Jaroslava:
„Ég hef alltaf farið eftir lögum og allar stelpurnar sem hafa dansað hér hafa verið með íslenska kennitölu og borgað sína skatta. Ég vil hafa allt uppi á borðum því ég vil sofa á nóttunni. Ég nenni ekki neinum „monkey business“. Það er betra að hafa hreina og góða samvisku.“
Sjá einnig:
Jaroslava fullyrðir að starfsemi Goldfinger hafi verið lögleg – Hvorki með eða á móti vændi:
Ekkja Geira á Goldfinger gerir upp fortíðina:
