Veðurstofan varar við stormi í dag á höfuðborgarsvæðinu, suðurlandi og miðhálendi í dag. Gert er ráð fyrir að hvessa muni um hádegi og lægja á milli 18:00 og 19:00.
Fólk er hvatt til að sýna aðgát og ganga frá lausum munum s.s. garðhúsgögnum og trampolínum til að forðast tjón. Sambærileg viðvörun gildir fyrir Suðurland, Vesturland og Miðhálendið.
Þá varar Veðurstofan einnig við talsverðri eða mikilli rigningu sunnan og suðaustanlands. Búast má við auknu afrennsli og vatnavöxtum í ám og lækjum.
Fólk er hvatt til að sýna aðgát.
