Lögreglan á Suðurlandi óskar eftir hugsanlegum vitnum að líkamsárás sem mun hafa átt sér stað aðfaranótt sunnudags. Kæra hefur verið lögð fram en árásin er sögð hafa átt sér stað um klukkan fjögur aðfaranótt sunnudagsins í kjölfar tónleika sem haldnir voru við Hvítahúsið.
„Mun atvikið hafa átt sér stað sunnan við tónleikasvæðið, gegnt Bílanaust, í kjölfar þess að þolandi hafði rætt við ökumann leigubifreiðar. Óskar lögregla eftir því að þeir sem veitt geti upplýsingar um atvikið hafi samband við lögreglu í póstfangið sudurland@logreglan.is.“