Brynja hússjóður Öryrkjabandalags Íslands hefur lokað fyrir nýjar umsóknir. Þetta kemur fram á vefsíðu þeirra.

Ástæðan er sögð gríðarleg fjölgun umsókna. 600 manns séu á biðlista og útilokað að nýjar umsóknir geti komist til afgreiðslu á næstu  árum. Hússjóðurinn segist harma þessa stöðu og væntir þess að stjórnvöld bregðist við aðstæðum.

 „Nú er svo komið að 600 umsækjendur eru á biðlista eftir leiguíbúðum  og útilokað að nýjar umsóknir gætu komið til afgreiðslu á næstu árum. Með móttöku nýrra umsókna væri einungis verið að viðhalda óraunhæfum væntingum og beina athygli frá því neyðarástandi sem uppi er í húsnæðismálum öryrkja. Stjórn BRYNJU Hússjóðs  þykir miður hvernig komið er og væntir þess að stjórnvöld bregðist við af þeirri ábyrgð sem þeim ber.“