Karlmaður leitar ráða Deidre, kynlífs- og sambandsráðgjafa The Sun. Maðurinn á erfitt með að fá standpínu.
„Ég á erfitt með að fá holdris með nýja elskhuganum mínum. Ég held að ástæðan sé sú að allir í bænum vita söguna mína. Fyrrverandi eiginkona mín fór frá mér fyrir tveimur árum, fyrir karlmann sem hún kynntist í gegnum skóla barnanna okkar. Þau eru bæði 32 ára og ég er 35 ára. Það voru allir að tala um þetta í marga mánuði og börnin mín fengu að heyra um þetta í skólanum,“ segir maðurinn.
„Þetta hefur verið mjög erfitt. Börnin flytja á milli mín og móður sinnar, sem býr nú með sama karlmanni. Ég hef kynnst nýrri konu, en ég á erfitt með nánd. Hún segir að það skiptir engu máli en ég vil sýna henni að ég get verið góður elskhugi.“
Deidre gefur manninum ráð:
„Þetta hlýtur að vera erfitt en ég þori að veðja að íbúar í hverfinu séu með þér í liði og vilja sjá þig hamingjusaman. Það er frábært að þú hafir kynnst einhverri sem er skilningsrík. Ekki leyfa fyrrverandi eiginkonu þinni að eyðileggja framtíð þína.
Farið aftur á byrjunarreit og einbeitið ykkur að kyssast, nudda og strjúka hvort öðru án þess að hafa möguleikann um samfarir hangandi yfir ykkur. Fljótlega mun standpínan þín koma aftur.“