Gildir 12. – 18. janúar
Hrútur
11. mars – 19. apríl
Alls kyns sambönd í þínu lífi eru í forgrunni í þessari viku, hvort sem það eru ástarsambönd, vinasambönd eða sambönd við vinnufélaga. Þú virðist vera að reyna ofboðslega mikið að láta öllum líka vel við þig á öllum vígvöllum. Hættu því. Það er því miður ekki hægt að láta öllum líka vel við sig og það er bara allt í lagi.
Naut
20. apríl – 20. maí
Það eru veigamiklar breytingar framundan í þínu lífi og þú kvíðir fyrir þeim. Þú hefur samt tíma til að sætta þig við þær og ég mæli með því að þú gerir það. Þessar breytingar eiga eftir að verða til góðs, þú bara sérð það ekki alveg strax. Traustur vinur verður enn traustari í þessari viku þegar hann býður fram aðstoða sína í erfiðu verkefni.
Tvíburar
21. maí – 21. júní
Annaðhvort verður þú fyrir barnaláni eða einhver nákominn þér, jafnvel einhver sem hefur átt í erfiðleikum með að geta barn. Þetta eru allavega mikil gleðitíðindi og munu lita vikuna af hamingju og bjartsýni. Þar af leiðandi gengur þér óskaplega vel í vinnunni. Þú svífur um á bleiku skýi og nennir ekki að velta þér upp úr öllu fólkinu sem gerir ekki nóg að þínu mati.
Krabbi
22. júní – 22. júlí
Ég mæli með því að þú takir þér símalausa tíma yfir daginn þar sem tækin eru gjörsamlega að ná yfirhöndinni í þínu lífi. Styttu skjátímann og reyndu að taka frá einn til tvo klukkutíma á dag þar sem þú leggur símann alveg frá þér. Þú munt finna fyrir miklum mun, bæði í vinnu og einkalífi.
Ljón
23. júlí – 22. ágúst
Það er einhver svakalega spennandi vinnuferð í kortunum hjá þér, sem á svo sannarlega eftir að létta þér lundina. Þetta er blanda af vinnu og skemmtun og þú kynnist svo mörgu skemmtilegu fólki sem veitir þér mikinn innblástur. Þessi ferð kennir þér einnig mikið um samskipti og hvað þú getur náð miklum árangri og liðið betur ef þú hefur hreinskilin samskipti við fólk.
Meyja
23. ágúst – 22 .september
Nú þarftu að passa þig á vinnufélögum þínum, elsku meyja. Það er einhver að reyna að svíkja þig og þú skalt hafa varann á í öllum viðskiptum. Ekki láta tala þig inn á einhverja vitleysu og fylgdu hjartanu – alltaf. Ástarlíf hjá lofuðum meyjum er svo afskaplega gott og verður aldeilis líf og fjör í svefnherberginu – meira en venjulega.
Vog
23. september – 22. október
Þetta er vika sköpunargáfunnar. Þú þarft að vera í góðum samskiptum við undirmenn þína í vinnunni því einhverjir þeirra hafa áhyggjur af framhaldinu, eftir miklar breytingar á vinnustaðnum. Þú ert manneskjan sem verður að veita fólki innblástur og reyna að ná því besta úr því. Ef það gengur ekki, þá verður bara að hafa það. Vogir sem eru að spá í að breyta um vinnu fá frábært tækifæri í vikunni sem er ekki hægt að sleppa.
Sporðdreki
23. október – 21. nóvember
Einhleypir sporðdrekar hafa engan tíma fyrir ástarlíf og það finnst þeim miður. Það er svo svakalega mikið að gera í vinnunni og þú verður að finna leið til að minnka vinnuálagið og einbeita þér að fjölskyldu, vinum og tilvonandi elskhugum. Lofaðir sporðdrekar eru hins vegar mjög ákveðnir í að styrkja sambandið og það gengur mjög vel.
Bogmaður
22. nóvember – 21. desember
Númer 1, 2 og 3 þá gerist eitthvað stórkostlegt í ástarlífinu. Ertu að spá í að fara að búa? Eignast barn? Gifta þig? Við erum að tala um svoleiðis stórviðburð sem bankar á dyr í vikunni. Þvílík spenna! Svo finnurðu nýtt áhugamál sem þú trúir eiginlega ekki hvað gefur þér mikið. Ég er að segja þér það – þetta er þín vika!
Steingeit
22. desember – 19. janúar
Ertu í fasteignahugleiðingum? Það er eins og þig langi að flytja þig um set og þú dettur niður á hina fullkomnu fasteign á næstu dögum – og ég er ekkert viss um að þessi fasteign sé á Íslandi. Þetta er auðvitað eitthvað sem þarf að hugleiða vel og því boðar þú til fjölskyldufundar til að taka ákvarðanir sem henta allri fjölskyldunni.
Vatnsberi
20. janúar – 18. febrúar
Þú ert að spá í að fara aftur í nám og ákveður að skrá þig á námskeið til að athuga hvort langt og krefjandi nám sé eitthvað sem henti þér akkúrat núna. Þig langar að færa þig meira inn í skapandi geira sem ég held að þú eigir vel heima í eftir mörg ár af kassalagaðri vinnu.
Fiskar
19. febrúar – 20. mars
Þú þarft að passa fjármálin aðeins. Þetta er ekkert alvarlegt, en vertu aðeins vakandi fyrir því hvernig þú ráðstafar peningunum þínum, svo þú lendir ekki í vanda. Einkalífið er í forgrunni í þessari viku. Góð samskipti eru gulls ígildi og þú nærð að létta mörgum áhyggjum af þér varðandi góðan vin sem hefur aðeins traðkað á þér að þínu mati.
12. janúar – Silja Hauksdóttir leikstjóri, 44 ára
13. janúar – Sylvía Rut Sigfúsdóttir blaðakona, 33 ára
14. janúar – Teitur Þórðarson knattspyrnustjóri, 68 ára
15. janúar – Karitas Harpa Davíðsdóttir söngkona, 29 ára
16. janúar – Margrét Hrafnsdóttir framleiðandi, 50 ára
17. janúar – Hallur Karlsson ljósmyndari, 37 ára
18. janúar – Helgi Seljan fjölmiðlamaður, 41 árs
