Janúar er tíminn sem fólk á það til að „taka sig á.“ Byrjar í ræktinni og ætlar að láta þetta vera árið sem það kemst í form. Ástralskur fitness áhrifavaldur hvetur fólk til að láta ekki undan þrýstingi megrunarmenningar.

Kate Writer deilir tveimur myndum af sér í færslu á Instagram. Mikil breyting er á henni á myndunum, myndin til vinstri er frá 2014 og myndin til hægri er nýleg.

„Mér finnst svo erfitt að skoða þessar gömlu myndir og muna eftir því að vera þessi stelpa,“ segir Kate.

https://www.instagram.com/p/B7DaLChB4vI/

„Ekki vegna þess að ég vildi óska þess að ég liti ennþá svona út eða því ég ber líkama minn í dag saman við líkama minn þá. Heldur því þessar myndir minna mig á hversu heltekin ég var. Þær minna mig á þegar ég mætti ekki á félagslega viðburði svo ég þyrfti ekki að borða. Þær minna mig á þegar ég hafði minni tíma með fjölskyldu minni og vinum því ég valdi ræktina yfir allt. Þær minna mig á daglegar vigtanir, ofát í laumi og stanslausa löngun í að vilja vera minni.“

Kate segir að myndir frá þessum tíma minnir hana á dapurleika og að henni fannst hún aldrei vera nógu góð.

„Ég get sagt ykkur að vera léttari gerir líf ykkar ekki allt í einu betra. Langtíma hamingja og tilgangur kemur ekki frá skammtímaþyngdartapi. Ég veit að ég myndi mikið frekar vilja vera með meiri línur/stærri/þykkari, vera frjáls frá megrunarmenningu og hafa frelsi í kringum mat, heldur en að vera „grönn“ og hugsa um ekkert annað en að vera léttari,“ segir hún.

„Mundu að stundum er þyngdaraukning aðeins aukaverkun þess að lifa þínu besta lífi og að „heilbrigð“ lítur öðruvísi út á öllum.“

https://www.instagram.com/p/B596E03hGLt/