Ungur karlmaður leitar ráða kynlífs- og sambandsráðgjafa The Sun, Dear Deidre. Honum hefur verið boðin greiðsla í skiptum fyrir að taka þátt í kynsvalli (e. orgy).
„Mér hefur verið boðnar hundrað þúsund krónur fyrir að stunda kynlíf með tveimur konum og öðrum karlmanni. Mig langar en ég er smá stressaður,“ segir maðurinn sem er 26 ára.
„Ég kynntist konu á bar og við sváfum saman. Hún er 24 ára. Hún spurði mig eftir á hvort ég væri hundrað prósent gagnkynhneigður. Ég sagði henni að ég væri það ekki. Hún sagði mér í kjölfarið frá ríkum miðaldra karlmanni sem hún og vinkona hennar „leika“ stundum við. Hann spurði hvort þær þekktu karlmann til að vera með þeim. Hún stakk upp á því að ég myndi stunda kynlíf með þeim í þrjá klukkutíma fyrir rúmlega hundrað þúsund kall,“ segir maðurinn.
„Þetta er of gott til að neita. En ég er mjög stressaður þar sem þetta verður mín fyrsta kynlífsreynsla með öðrum karlmanni.“
Deidre ráðleggur manninum að afþakka boðið.
„Peningar geta verið freistandi og þetta virðist kannski vera skemmtilegt. En eftir á gæti þér liðið eins og þú hafi verið notaður fyrir kynlíf. Þessi karlmaður ber enga virðingu fyrir ungu fólki sem hann borgar til að þjóna sér kynferðislega. Þetta getur endað hræðilega. Segðu vinkonu þinni að þetta sé ekki fyrir þig.“