Fyrirsætan Gigi Hadid á von á barni ásamt kærastanum Zayn Malik í september og er á fullu í hreiðurgerð. Þau eru snúin aftur í íbúðina sína í New York eftir að hafa dvalist á búgarði fjölskyldunnar í Pennsylvaníu meðan á sóttkví stóð. Það er alveg ljóst að fyrirsætan ætlar að láta litlu fjölskyldunni líða vel í íbúðinni því hún hefur eytt ári í að hanna allt eftir eigin höfði með dyggri aðstoð móður sinnar. Gigi birti myndir af afrakstrinum á Instagram-síðu sinni og það er óhætt að segja að hún hefur sinn eigin smekk og er óhrædd við litadýrð.