fbpx
Miðvikudagur 02.júlí 2025

Krúttlegustu óléttubumburnar – Stjörnunar fjölga sér

Ritstjórn Bleikt
Laugardaginn 18. júlí 2020 22:00

Ekki missa af Helstu tíðindum dagsins í pósthólfið þitt

Lesa nánar

Söngkonan Katy Perry á von á barni með unnusta sínum, breska leikaranum Orlando Bloom. Þetta er fyrsta barn Katy en fyrir á Orlando soninn Flynn með fyrirsætunni Miranda Kerr. Skötuhjúin brugðu sér á ströndina í Malibu í vikunni þar sem Orlando sýndi listi sínar á brimbretti á meðan Katy buslaði í sjónum í fjólubleikum sundbol sem knúsaði sældarlega bumbuna.

Fullkomin slökun: Kevin laumaðist til að taka mynd af eiginkonunni og birti á samfélagsmiðlum.

Grínistinn Kevin Hart og eiginkona hans Eniko eiga von á sínu öðru barni en saman eiga þau hinn tveggja ára gamla Kenzo Kash. Kevin tók á dögunum einstaklega krúttlega laumumynd af sinni heittelskuðu þar sem hún lá eins og slytti í sófanum í fullkominni slökun. Grínistinn birti hana á Instagram með þeim fyrirvara að eiginkonan myndi eflaust drepa hann fyrir myndbirtinguna. Óþarfa áhyggjur hjá Kevin því myndin er einfaldlega yndislega falleg og fangar augnablikið.

Horfir til himins: Sophie er sumarleg og sæt með hvutta sér við hlið.

Game of Thrones leikkonan Sophie Turner og tónlistarmaðurinn Joe Jonas eiga von á sínu fyrsta barni. Sophie og Joe giftu sig í maí í fyrra en þau hafa verið saman síðan 2016. Þessi fallega mynd af Sophie í hvítum sumarkjól með hvutta sér við hlið var tekin í byrjun mánaðarins þegar þau Joe voru á leið í mat ásamt foreldrum hennar. Það er eitthvað svo hlýlegt og fallegt við það hvernig hún horfir til himins með höndina á maganum.

Svöl í sólinni: Söngkonan Ciara er tveimur númerum of svöl á þessari mynd.

Söngkonan Ciara og eiginmaður hennar Russell Wilson bíða nú spennt eftir komu þriðja barnsins í heiminn. Fyrir eiga þau fimm ára son, Future Zahir Wilburn, og tveggja ára gamla dóttur, Sienna Princess Wilson. Í myndbandi sem hjónin birtu á samfélagsmiðlum fyrir skemmstu kom fram að þau eiga von á öðrum strák. Þau eru að vonum kampakát og spennt fyrir nýjum fjölskyldumeðlim.

Barnalán: Hilaria og Alec eiga von á sínu fimmta barni saman.

Á þeim aldri sem flestir fara að slaka aðeins á og stunda golf gefur leikarinn Alec Baldwin bara í þegar kemur að barneignum. Alec sem er 62 ára gamall og eiginkona hans, jógakennarinn og heilsugúrúinn Hilaria sem er 36 ára, eiga nú von á sínu fimmta barni saman. Alec á fyrir 24 ár gamla dóttur, Ireland, með leikkonunni Kim Basinger en þau fjögur yngri eru tveggja, þriggja, fjögurra og sex ára. Það er ljóst að það verður ekki mikil afslöppun í kortunum hjá gamla á næstunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Þorsteinn spurður út í háværar sögusagnir

Þorsteinn spurður út í háværar sögusagnir
433Sport
Fyrir 10 klukkutímum

Græðir þú á árangri landsliðsins?

Græðir þú á árangri landsliðsins?
Fréttir
Fyrir 10 klukkutímum

Segir stjórnarandstöðuna leggja fæð á Ingu Sæland og hindra framfaramál með botnlausu málþófi

Segir stjórnarandstöðuna leggja fæð á Ingu Sæland og hindra framfaramál með botnlausu málþófi
433Sport
Fyrir 12 klukkutímum

Tottenham reynir að kaupa Ganverjann

Tottenham reynir að kaupa Ganverjann
Eyjan
Fyrir 12 klukkutímum

Orðið á götunni: Fá milljarð gefins á ári en greiða 282 milljónir í veiðigjöld

Orðið á götunni: Fá milljarð gefins á ári en greiða 282 milljónir í veiðigjöld
433Sport
Fyrir 13 klukkutímum

United hefur áhuga á því að kaupa spænska miðjumann PSG

United hefur áhuga á því að kaupa spænska miðjumann PSG
433Sport
Fyrir 13 klukkutímum

Selfoss staðfestir komu Jóns Daða

Selfoss staðfestir komu Jóns Daða

Tarot Spil

Veldu þér spil og sjáðu spádóm þinn.