Ísdrottningin og athafnakonan Ásdís Rán er byrjuð að hanna og selja andlitsgrímur. Frá þessu greinir hún á Facebook-síðu sinni. Henni segist hafa blöskrað við að sjá allar ljótu grímurnar og ákveðið að fara að hanna sjálf.
„Kæru vinir, hér er litla grímuverslunin mín. Ég var orðin þreytt á öllum þessum ljótu grímum um allan bæ. Þannig ég ákvað að fara að hanna nokkrar fínni sjálf á meðan ég er heima í einangrun, bara svona til að hafa gaman. Í flestum Evrópulöndum er það skylda að klæðast grímu ef þú ferð út úr húsi. Þetta er í boði í mjög takmörkuðu magni og um skamman tíma. Ef þig langar í fína grímu þá máttu senda mér skilaboð. Þær eru allar handgerðar úr tvöföldu bómullarefni og skartgripirnir á þeim eru ekki ofnæmisvaldandi og hitna ekki í sólinni.“
Sumar grímur Ásdísar minna talsvert á blúndunærfatnað, en í athugasemdakerfinu við færslu Ásdísar hefur þeirri kenningu verið varpað upp að grímurnar séu einmitt gerðar úr nærfötum. Þær virðast að minnsta kosti vera gerðar úr eldri flíkum, en sumar þeirra eru merktar tískuvörumerkjum líkt og Versace og Chanel.
Hægt er að setja einhver spurningarmerki við grímurnar, en nokkrar þeirra virðast gegnsæjar og líklega auðvelt að anda í gegnum þær. Það færi á bága við tilsett markmið um andlitsgrímur.
Sumir sýna grímunum mikinn áhuga og vilja kaupa. Verðmiðarnir sem settir eru á þær fara frá 15 upp í 25 evrur, og svo er hægt að kaupa 3 grímur saman á 30 evrur.
Þá hefur Ásdís búið til Instagram-síðu fyrir grímurnar sem ber nafnið Boutique Masque.
View this post on Instagram
Blue/Gold luxury mask with non heating jewellery. Double cotton. 25 euros. Delivery cost 5 euros.
