Tyler, sem tók þátt í nýjustu seríunni af Bachelorettte, var fluttur á sjúkrahús í Florída í síðustu viku samkvæmt TMZ. Þá er einnig greint frá því að lögregluþjónar og sjúkraliðar hafi verið sendir að húsi Tyler þann 13. janúar. Þá hafði neyðarlínunni borist símtall frá konu sem sagði Tyler hafa læst sig inni á baðherbergi. Talið er líklegt að hún hafi náð til hans og hjálpað honum. Tyler er sagður hafa verið í „lífshættulegu en jöfnu“ ástandi á spítalanum. Talið er líklegt að hann hafi farið út af spítalanum síðastliðinn þriðjudag.
Eins og áður segir þá tók Tyler þátt í Bachelorette þáttunum vinsælu. Hann var í seríu 15 en þar kepptist hann um að láta Hannah Brown verða ástfangna af sér. Tyler var látinn fara úr þáttunum snemma en einungis þrjár vikur voru liðnar síðan serían byrjaði. Einhverjum aðdáendum þáttana þótti brottreksturinn vera dularfullur. „Tyler varð að fara og það er leiðinlegt því mér fannst virkilega gaman með honum,“ sagði Hannah í kjölfar brottrekstursins. Tyler sagði síðar að ákvörðunin hafi verið sameiginleg milli hans og framleiðenda þáttanna.
