„Sönn saga – þetta er raunveruleg vara. Ég veit ekki alveg hvað mér á að finnast,“ segir Sigga Dögg kynfræðingur um nýja vöru í færslu á Facebook.
Um er að ræða svamp sem er hugsaður til hreinsunar á brundi úr leggöngum eftir samfarir. Sigga Dögg deilir mynd af svampinum og sínum hugleiðingum um þetta litla apparat.
„Á einn bóginn þá finnst mér mjög sniðugt að fá einhverja græja til að losna við brundið (sem getur verið ansi hvimleitt) en á hinn bóginn er þetta svakalega óumhverfisvænt og mér finnst algerlega galið að framleiða slíka vöru árið 2020,“ segir Sigga Dögg.
„Svo fer ég líka að hugsa um af hverju píkur eiga endalaust að taka við brundi og svo að sjá um að fjarlægja það. Það er eitthvað svakalega stuðandi þarna. Sérstaklega í ljósi þess að brund getur verið mjög ertandi fyrir píkuna en það er sjaldan talað um það. Það er bara eins og fólk haldi að það sé eitt af hlutverkum legganga að taka við brundi og því veseni sem því fylgir.“
Hún segist óttast að fólk haldi að svampurinn komi í veg fyrir getnað og kynsjúkdóma.
„Eða jafnvel að manni yrði rétt þetta eftir samfarir og maður beðinn vinsamlegast um að þrífa sig svo ekki leki í rúmið.“
Sigga Dögg segir að það sem stuðar hana örugglega mest við svampinn sé umhverfisspor hans.
„Ef þetta væri fjölnota þá væri ég meira on board… held ég.“
Hvað segja lesendur, hvað finnst ykkur um svampinn?
