Það er óhætt að segja að íslenska kvensamfélagið á Facebook, Beautytips, hafi farið á hliðina á dögunum vegna innleggs Lindu nokkrar. Linda þessi spurði innan þessa ríflega 30 þúsund manna hóps: „Veit einhver hvar maður getur keypt fake pregnancy test?“
Í athugasemd útskýrði Linda að hana langaði að hrekkja kærasta sinn og þykjast vera ólétt. Umræðunni hefur nú verið eytt en á skömmum tíma var Linda fordæmd af mörgum og töldu flestir þetta ljótan grikk.
Ein kona sagði til að mynda: „Vá, „æðisleg“ kærasta. Feel sorry for yo man. Mikil óvirðing í hans garð og konum sem eiga erfitt með barnseignir.“ Önnur kona sagði að ef hún myndi gera þetta þá væri það „virkilega illa gert“ meðan sú þriðja skrifaði: „Slepptu því. Þetta er ógeðslega ljótur „hrekkur“.“ Sú fjórða segir að þetta „fucking ógeðslegt“, meðan sú fimmta sagði það „aldrei í lagi að nota þungun sem djók“.
Mögulega var innlegg Lindu einungis grófur brandari en sumar konur fordæmdu hana þó. „Ég myndi hugsa þig vel um áður en þú hendir þessum mislukkaða brandara út í cosmósið. Þér á ekki eftir að finnast hann eins fyndinn ef þú munt sjálf eiga erfiðleika með að eignast börn í framtíðinni. Ég get næstum því lofað þér að einhver kona í fjölskyldunni þinni hefur misst barn eða átt í erfiðleikum með að verða ólétt. Henni á ekki eftir að finnast þessi ömurlegi „hrekkur“ fyndinn.“