Mathilda Gregorsdóttir, skólastýra Evolvia og markþjálfi, opnaði sig um kynlífsvenjur sínar í sjónvarpsþættinum Undir yfirborðinu sem sýndur er á Hringbraut. Í þættinum segir hún frá því þegar hún og eiginmaður hennar tóku sameiginlega ákvörðun um það að leggja áherslu á kynlífið sitt og stunda það daglega. Mathilda og eiginmaður hennar tóku þessa ákvörðun fyrir árið 2008, þau hafa því stundað kynlíf saman í um 4000 daga í röð.
„Ég og maðurinn minn höfum verið gift núna í 25 ár og fyrir 11 árum síðan síðan kemur hann með grein sem mælir með því að stunda kynlíf daglega,“ segir Mathilda í viðtalinu á Hringbraut en þetta hefur haft jákvæð á sambandið þeirra að sögn Mathildu. „Ég er búin að upplifa fullt af mismunandi fullnægingum á mismunandi hátt og geng um í einhverskonar alsælu eftir það.“ Hún segir að þarna hafi hún fundið hversu opinn líkaminn getur verið og í kjölfarið hafi hún upplifað allsherjarunað (e. full body orgasm) og það oft.
Mathilda segir að nánd þeirra hjónanna hafi aukist með þessu aukna kynlífi og að nú sé hún í fullu fjöri alla daga vegna þess. Þá segir hún kynlífið einnig vera góða leið til að takast á við vandamál sem koma upp milli þeirra. „Þegar við erum í fýlu út í hvort annað þá þurfum að leysa úr því til að geta stundað kynlíf.“
Í kjölfarið á þessu aukna kynlífi byrjaði Mathilda að upplifa fullt af nýjum hlutum. Þá varð hún að tala um það við einhvern en það var þá sem hún kynntist ISTA eða International School of Temple Arts. Sýn ISTA er sú að heimurinn verði þannig að manneskjur geti átt friðsamlegt, unaðslegt, blygðunarlaust, óttalaust og ástríkt samband við líkamann sinn, kynverundina, tilfinningarnar, hjartað, hugann og andann. Mathilda fór á námskeið hjá ISTA þar sem hún segist hafa lært mikið en hún byrjaði síðan að kenna svona námskeið sjálf. „Það er unnið með líkamann, tilfinninga líkamann og andlega líkamann.“
Hægt er að horfa á viðtalið í heildi sinni á vef Hringbrautar
