Kardashian-Jenner systur nota Photoshop og stundum er það svo hryllilega augljóst. Það hefur þó nokkrum sinnum vakið athygli þegar þær hafa gert alveg stórkostleg mistök í forritinu.
Eins og þegar fótleggur Kourtney Kardashian var afar furðulegur, eða þegar kynningarmynd Kardashian-þáttanna var eitthvað furðuleg og þegar aðdáendur sökuðu Kylie Jenner um stórkostleg mistök.
Nú hefur Kim Kardashian kitlað hláturtaugar netverja með enn öðrum Photoshop mistökunum. Kim deildi mynd af sér og systir sinni, Kylie Jenner, fyrir ilmvatn þeirra systra. Sérðu eitthvað athugunarvert við myndina?
Ef þú horfir á hægri hönd Kim þá tekurðu eftir því að þumalfingur hennar er óvenjulangur.
Þó svo að margir voru sannfærðir að um væri að ræða stórkostleg Photoshop mistök komu aðdáendur stjörnunni til varnar og sögðust sjálfir vera með mjög langa þumalfingur.
Hvað segja lesendur, Photoshop mistök eða er hún svona fingralöng?
