Vísindamenn geta að sjálfsögðu útskýrt af hverju táfýla leggst á fætur sumra og í framhaldinu hefur hugvitssamt fólk búið til leiðbeiningar um hvernig á að draga úr líkunum á að anga langar leiðir af táfýlu.
Þvert á það sem margir telja þá er það ekki sviti sem veldur táfýlu, að minnsta kosti ekki beint. Sviti er í raun lyktarlaus en táfýla myndast þegar illaþefjandi, gasmyndandi bakteríur gæða sér á sveittum, dauðum húðflögum sem eru fastar í skóm eða sokkum.
1. Þvo og skrúbba fæturnar: Það er reynandi að þvo fæturna með bakteríudrepandi sápu og nota vikurstein til að fjarlægja dauða húð.
2. Sokkar: Gættu þess að sokkarnir séu úr efni sem andar, til dæmis bómul, og það þarf eiginlega ekki að taka það fram að það á að skipta um sokka daglega.
3. Haltu skónum ferskum: Þeir þurfa ekki að vera nýir en þú ættir að skilja þá eftir úti til að viðra þá þegar þú kemur heim.
4. Svitalyktareyðir: Þú kannast örugglega við svitalyktareyði, svona eins og er notaður á handarkrikana. En vissirðu að það er hægt að nota svoleiðis á fæturna? Það er satt.
Það ætti því að vera hægt að halda sér táfýlulausum.
