Lady Gaga er hæfileikarík stórsöngkona og leikkona. Hún er fyrsta konan til að vinna BAFTA, Golden Globe, Grammy verðlaun og Óskarsverðlaun sama árið.
En Lady Gaga var lögð í einelti af samnemendum sínum í NYU háskóla í New York. Nemendurnir tóku sér tíma til að stofna Facebook-hóp sem var tileinkaður Lady Gaga, en ekki á góðan hátt. Heldur var Lady Gaga lítillækkuð og niðurlægð á hópnum. Nemendurnir skiptust á að skrifa að hún yrði aldrei fræg og væri hæfileikalaus.
Hópurinn hét: „Stefani Germanotta, þú verður aldrei fræg.“ Stefani Germanotta er raunverulegt nafn Lady Gaga.
Í hópnum voru tólf meðlimir. Umræðan inn á hópnum var ljót og kepptust meðlimir um að tala sem verst um Lady Gaga.
Sjá einnig: Lady Gaga í tárum í þakkarræðu sinni: „Þetta snýst ekki um að vinna, heldur það að gefast ekki upp“
Þó svo að það hafi aðeins verið tólf meðlimir þá sýnir það að það munu alltaf vera einstaklingar sem brjóta aðra niður. En eins og Lady Gaga sagði þegar hún vann Óskarinn:
„Ég vann hart í langan tíma og þetta snýst ekki um að vinna, heldur að gefast ekki upp. Ef þú átt þér draum, berstu fyrir honum. Þetta snýst ekki um hversu oft þér er hafnað, þetta snýst um hversu oft þú stendur upp og ert hugrökk og heldur áfram.“
