Kim Kardashian hefur útskýrt af hverju hún brosir ekki eins oft og áður. Síðustu helgi var Kim módel á námskeiði hjá förðunarfræðingnum sínum, Mario Dedivanovic. Nemandi í salnum bað hana um að deila leyndarmáli sínu fyrir slétta húð.
„Ekki brosa,“ svaraði Kim Kardashian. Þá vitum við það!
Kim hefur áður sagt að hún brosir sjaldan því hún var líkamssmánuð þegar hún var ólétt af sínu fyrsta barni, North West. Kim fékk mikinn bjúg á meðgöngunni og var fólk miskunnarlaust við hana.
„Neikvæðu ummælin breyttu hvernig ég vildi láta taka mynd af mér,“ sagði Kim við C Magazine. Hún sagði einnig að hana langaði ekki lengur að vera vingjarnleg við fólk sem tekur myndir af henni og selur þær.
„Áður fyrr var ég alltaf brosandi og út um allt. En nú vil ég ekki lengur brosa fyrir þá. Ég vil bara vera heima. Jafnvel þó ég sé sjálfsöruggari þá líður mér ekki lengur eins og stelpunni sem brosir á öllum myndum. Þetta hafði mikil áhrif á mig og persónuleikann minn,“ sagði Kim.