fbpx
Laugardagur 27.apríl 2024

Heldur fram hjá eiginmanninum í hverri viku og vill ekki hætta

Ritstjórn Bleikt
Sunnudaginn 10. febrúar 2019 21:00

Ekki missa af Helstu tíðindum dagsins í pósthólfið þitt

Lesa nánar

„Ég held fram hjá manninum mínum og stunda stórkostlegt kynlíf. Ég ætlaði mér aldrei að gera það en nú þegar é ger byrjuð þá vil ég ekki hætta.“

Þetta segir 28 ára kona sem leitaði til Deidre Sanders, sambandsráðgjafa The Sun. Konan veit ekki í hvorn fótinn hún á að stíga; hún elskar manninn sinn en kynlífið með viðhaldinu er miklu betra en eiginmaðurinn getur veitt henni.

„Við hjónin höfum verið saman í sex ár. Hann er 31 árs og ég er 28 ára. Við vorum mjög hamingjusöm eftir að við eignuðumst dóttur okkar. Ég hafði átt erfiða æsku og erfið unglingsár – pabbi var löngu farinn frá okkur og mamma var í tygjum við marga menn. Þegar ég var kominn með mann og barn fannst mér lífið vera komið í ákveðið jafnvægi,“ segir konan en þetta jafnvægi varði ekki lengi.

„Eftir að dóttir mín byrjaði í skóla fór ég að vinna hlutastarf í verslun. Mér fannst frábært að geta byrjað aftur að vinna og komast úr húsi. Það var þá sem þessi maður kom inn í líf mitt. Hann vann á sama stað og ég og við urðum miklir félagar. Hann er 32 ára og fjallmyndarlegur. Eitt kvöldið, eftir vinnu, var veðrið vont og hann bauðst til að skutla mér heim. Ég settist upp í bílinn og þegar ég sneri mér að honum til að þakka honum fyrir þá kysstumst við. Hann ók bílnum á afvikinn stað og við stunduðum ótrúlegt kynlíf í aftursætinu.“

Konan segist hafa haldið áfram að hitta samstarfsfélaga sinn utan vinnutíma. Svona hefur þetta gengið í tvö ár og er samband þeirra orðið dýpra.

„Þegar ég stunda kynlíf með honum líður mér eins og kona. Hann er kvæntur þó og hefur verið með konunni sinni í tíu ár. Hann segir að kynlífið með konunni hans sé ekki eins og bestur verður á kosið. Ég elska eiginmann minn mikið en ég og vinnufélagi minn getum ekki hætt að hittast til að stunda kynlíf. Ég vil ekki fara frá manninum mínum, dóttur og okkar fallega heimili. En ég er ringluð og ég veit ekki hvað er best að gera.“

Deidre svarar vangaveltum konunnar svona:

„Þetta er engin spurning í mínum huga. Þú átt barn, heimili og mann sem þú elskar. Af hverju að taka svona áhættu og hætta á að missa þetta allt fyrir mann sem gæti allt eins haldið fram hjá þér einn daginn, alveg eins og hann heldur fram hjá núverandi eiginkonu sinni? Kannski liggur svarið í fortíð þinni. Pabbi þinn fór frá mömmu þinni, og einhvers staðar innst inni, óttastu að þetta muni koma fyrir þig. Þú vilt ekki vera á eigin fótum svo þú ert með hann á kantinum, ef illa fer. Auðvitað getur verið spennandi að halda fram hjá en það eru líkur á að það endi með ósköpum – fyrir dóttur þína, eiginmann þinn eða þig sjálfa. Það er allra hagur að þú endir þetta framhjáhald og leggir frekar áherslu á að bæta hjónabandið þitt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 9 klukkutímum

Halla Hrund komin með forystu í nýrri skoðanakönnun – Skýtur Katrínu og Baldri ref fyrir rass

Halla Hrund komin með forystu í nýrri skoðanakönnun – Skýtur Katrínu og Baldri ref fyrir rass
433Sport
Fyrir 9 klukkutímum

Liverpool og Feyenoord að ganga frá smáatriðum

Liverpool og Feyenoord að ganga frá smáatriðum
433Sport
Fyrir 10 klukkutímum

Fyrstu kaup Slot gætu orðið áhugaverð – Kostaði lítið fyrir ári en nú kostar hann tæpa 10 milljarða

Fyrstu kaup Slot gætu orðið áhugaverð – Kostaði lítið fyrir ári en nú kostar hann tæpa 10 milljarða
Fókus
Fyrir 11 klukkutímum

MeToo-byltingin nötrar eftir sláandi bakslag – Verður Weinstein laus allra mála?

MeToo-byltingin nötrar eftir sláandi bakslag – Verður Weinstein laus allra mála?
433Sport
Fyrir 13 klukkutímum

Chelsea skoðar að reka Pochettino – Þrír menn á lista

Chelsea skoðar að reka Pochettino – Þrír menn á lista
Fókus
Fyrir 13 klukkutímum

60 ára og skrefi nær því að verða elsti þátttakandi Miss Universe

60 ára og skrefi nær því að verða elsti þátttakandi Miss Universe
Fókus
Fyrir 14 klukkutímum

Þurfti að læra að lifa upp á nýtt eftir maníu – „Það er partur af mér að vera með geðhvarfasýki og það er enginn dauðadómur, trúðu mér“

Þurfti að læra að lifa upp á nýtt eftir maníu – „Það er partur af mér að vera með geðhvarfasýki og það er enginn dauðadómur, trúðu mér“
433Sport
Fyrir 14 klukkutímum

Dregið í bikarnum – Stórleikur í Garðabænum

Dregið í bikarnum – Stórleikur í Garðabænum

Tarot Spil

Veldu þér spil og sjáðu spádóm þinn.