Það hafa líklega allir haldið prumpi inn í sér, hvort sem það er í kringum nýjan maka, vinnufélaga eða aðra. Flestir hafa líka leita sér að öruggum stað til þess að hleypa prumpinu út þar sem enginn heyrir til eða gæti fundið lyktina sem gýs gjarnan upp.
Nú geta allir þó andað rólega því fyrirtækið Shreddies hefur gefið út buxur, sem að þeirra sögn eyðir prumpulykt. The Sun greinir frá því að hægt sé að kaupa buxurnar frá stærð átta til tuttugu og að verð þeirra sé í kringum fimmtán þúsund íslenskar krónur.
Buxurnar eru samkvæmt Shreddis fóðraðar með kolefni sem á að auka frelsi fólks til að prumpa í félagslegum aðstæðum. Slagorð fyrirtækisins er: „Prumpaðu með sjálfstrausti.“
