Hinn 37 ára gamli Danny Tetley tók fyrst þátt í Pop Idol fyrir 17 árum síðan þar sem harðjaxlinn og vélbyssukjafturinn Simon Cowell hafnaði honum. Nú var hann mættur aftur í þáttinn X-Factor til að sanna fyrir Simon að hann gerði mistök. Sjáðu myndbandið hér að neðan.

„Af hverju hefur þú ekki náð að slá í gegn?“ spurði Robbie Williams einn dómarann.

„Ég reyndi fyrir mörgum árum að vekja athygli á mér þegar ég mætti í áheyrnarprufu hjá Simon í þætti sem hét Pop idol,“ svaraði Danny. Pop idol var fyrirrennari American Idol sem gerði Bretan Simon Cowel heimsfrægan sem hefur síðan þá stýrt Britain Got Talent sem og American Got Talent.

„Er þér alvara með þessari áheyrnarprufu?“ spurði Simon.

„Í mínum huga er þetta er heimsmeistarakeppnin. Ég hef beðið í 17 ár til að fá tækifæri til að standa hér á sviðinu og syngja fyrir þig á ný og sýna þér að ég hef hæfileika og sömu ástríðu og fyrir öllum þessum árum.“

Og síðan hóf Danny upp raust sína. Óhætt er að fullyrða að enginn átti von á því sem gerðist næst. Danny er hörkusöngvari og fagnaðarlætin í salnum voru gríðarleg. Dómararnir risu úr sætum og í salnum feldu gestir tár. Að launum hlaut hann standandi lófaklapp frá öllum dómurum þáttarins, þar á meðal Simon sem viðkenndi mistökin en Danny braust í grát.

„Ég ætla segja já, koma svo til þín og biðja þig afsökunar á að hafa sagt nei fyrir 17 árum,“ sagði Simon áður en hann stóð upp og rölti á sviðið til að faðma Danny. Eitt fallegasta augnablik í sögu þáttanna en myndskeiðið má sjá hér fyrir neðan.

https://www.youtube.com/watch?v=ejRhPNNBZkM