Eins og greint hefur verið frá var Luka Modric, miðjumaður króatíska landsliðsins og Real Madrid, valinn valinn besti leikmaður Heimsmeistaramótsins í Rússlandi sem lauk í gær. Hann er þó ekki eini Króatinn sem fær lof fyrir frammistöðu sína á mótinu því nú hefur Kolinda Grabar-Kitarovic, forseti landsins stolið senunni.
Framkoma Grabar-Kitarovic á mótinu, þá aðallega við verðlaunaafhendinguna á vellinum eftir úrslitaleikinn hefur heillað heimsbyggðina. Grabar-Kitarovic hefur í dag verið hrósað fyrir einlægni og skemmtilega framkomu en athygli vakti að hún mætti á nær alla leiki Króata í keppnistreyju liðsins.
Margir hafa tjáð sig um Grabar-Kitarovic á samfélagsmiðlum undanfarna daga. Fanney Birna Jónsdóttir, aðstoðarritstjóri Kjarnans er ein þeirra sem heillaðist af forsetanum. „Ég er að dýrka þessa konu sem er forseti Króatíu. Leyfir sér að gráta af gleði, faðmar sína drengi þrátt fyrir sárt tap eins og þeir séu synir hennar og gefur þessu steindauða jakkafatapartýi líf, lit og allt aðra ásjónu,“ skrifaði Fanney meðal annars.
Ég er að dýrka þessa konu sem er forseti Króatíu. Leyfir sér að gráta af gleði, faðmar sína drengi þrátt fyrir sárt tap eins og þeir séu synir hennar og gefur þessu steindauða jakkafatapartýi líf, lit og allt aðra ásjónu. Lifi kvenlægu gildin. #hmruv #frakró #fracro #femnism
— Fanney Birna (@fanneybj) July 15, 2018
Forseti Króatíu er nýji uppáhaldsforsetinn minn #hmruv #WorldCupFinal pic.twitter.com/Lnd1OXgg0c
— Hans Steinar (@hanssteinar) July 15, 2018
Mig er farið að langa í knús hjá forseta Króatíu. Mannleg eins og forsetinn okkar.
— Jón Stefán Jónsson (@Jonsi82) July 15, 2018
Elska elska elska forseta Frakklands og Króatíu í þessari verðlaunaafhendingu. Það fer enginn heima nema fá innilegt knús ☺️ #WorldCupFinals #hmruv
— Torfi Geir Símonar (@torfigeir) July 15, 2018