„Við erum að vinna í leiðum til þess að halda vináttunni og vera góð hvort við annað. Það er ekki alveg upplagt, en ég held að við séum bæði á miklu betri stað”, segir leikarinn Chris Pratt í spjalli við Entertainment Weekly.
Leikarinn hafði fram að viðtalinu ekkert tjáð sig um einkalífið eftir skilnaðinn við leikkonuna Önnu Faris og sagði hlutina þar hreint út: „Skilnaður er ömurlegur”.
Pratt og Faris hafa þekkst síðan 2007 þegar þau kynntust við tökum myndarinnar Take Me Home Tonight og voru gift í átta ár. Saman eiga saman fimm ára soninn Jack og segir Pratt að sé engin spurning um að einbeita sér að honum, í sameiningu en sitthvoru lagi. „Þegar upp er staðið eigum við frábæran krakka sem á tvo foreldra sem elskar hann“.
Leikkonan hefur verið dugleg að svara fyrirspurnum og opnað sig í viðtölum, til dæmis tekið fram að slúðursögur um framhjáhöld Pratts hafi óneitanlega tekið sinn toll, að það hafi heldur ekki verið auðvelt að ala upp soninn ein á meðan leikarinn léki í hverri stórmyndinni á eftir annarri.
Pratt er einmitt væntanlegur í tveimur risamyndum nú í sumar, Avengers: Infinity War og Jurassic World: Fallen Kingdom.
Faris er sjálf væntanleg í gamanmyndinni Overboard í maí, nýbúin að gefa út minningarbókina Unqualified og er um þessar mundir að slá sér upp með tökumanninum Michael Barrett, en hann skaut meðal annars myndina Overboard.
