Fyrirsætan Bella Hadid tjáir sig um ástina og nýleg sambandslitin við The Weeknd í nýjasta tölublaði Teen Vogue. „Þegar ég elska einhvern þá elska ég með öllu hjartanu,“ sagði Bella meðal annars í viðtalinu. Hún segir frá því hvernig sambandsslitin tóku sinn toll og voru henni erfið, þó svo að hún hafi látið sem ekkert væri á samfélagsmiðlum og opinberlega.
„Þetta voru fyrstu sambandsslitin mín – eða önnur, á eftir hestinum – og svo opinberleg. Sem utanaðkomandi aðili þá finnst þér eins og ég hafi tæklað þetta svo vel, en þetta er alltaf í hjarta manns og maður finnur þetta ávalt með miklum þunga.“
Sjá einnig: Bella Hadid sögð vera „sár og pirruð“ að The Weeknd sé að slá sér upp með Selenu Gomez
„Þetta verður erfitt í einhvern tíma. Ástin særir, en maður verður að komast í gegnum þetta,“ bætti hún við.
Bella stóð sig frábærlega á Victoria‘s Secret tískusýningunni í nóvember, en þá voru hún og Weeknd tiltölulega nýhætt saman. Hann var eitt af söngatriðum sýningarinnar og var einmitt á sviðinu þegar hún gekk niður tískupallinn. Viðbrögð hennar og látbragð við the Weeknd á pallinum gengu eins og eldur í sinu um netheima og litu margir á hana sem hetju sambandsslita.
„Þetta er ekkert vandræðalegt. Hann er besti vinur minn og ég er spennt því ég mun ganga niður pallinn á meðan hann kemur fram,“
sagði hún við E! News fyrir Victoria‘s Secret tískusýninguna.
„Ég mun alltaf virða hann og elska hann. Stundum vill maður vera sorgmæddur um það eða höndla hlutina öðruvísi, en í lok dagsins þá viltu aldrei eyðileggja eitthvað sem þú barðist fyrir að byggja,“
sagði Bella við Teen Vogue.
Sjá einnig: Selena Gomez og Weeknd knúsast úti á götu! Svona gæti samtalið hafa hljómað
