Emily Mueller, býflugubóndi og þriggja barna móðir í Ohio í Bandaríkjunum vakti gríðarlega athygli í lok sumar þegar hún fagnaði fjórðu meðgöngunni með sérstakri og pínu ógnvænlegri myndatöku.

Á myndunum sat hún fyrir ásamt 20 þúsund býflugum. Myndatakan fór þannig fram að Emily hélt  á býflugudrottningunni í hendinni og lagði síðan hendina á magann. „Býflugur elta drottninguna sína.“

Á mánudag birti Mueller hjartnæma stöðufærslu á Facebook þar sem hún sagði frá því að sonur hennar og eiginmanns hennar, Ryan Mueller, hefði fæðst andvana nokkrum dögum fyrir settan fæðingardag.

Á mánudag var hún að undirbúa viðburð sem vera átti á þriðjudag og tók ekki eftir að engar hreyfingar voru frá fóstrinu. „Um kvöldið áttaði ég mig á að ég hafði ekki orðið mikið vör við að barnið hreyfði sig og ég var með samdrætti sem voru allt öðruvísi en þeir sem ég hef áður fegið. Ég sagði sjálfri mér að hann væri bara sofandi, en eftir því sem leið á kvöldið varð ég áhyggjufullri.“

Hún og eiginmaður hennar ákváðu að fara á spítalann til og þar var ljóst að sonur þeirra var látinn. „Ég get ekki og vil ekki útskýra þessa tilfinningu fyrir neinum. Að líta á eiginmann þinn og sjá eitthvað deyja innra með honum. Að sjá hann brotna niður. Að sjá börnin þín finna og skynja sársaukann sem þú finnur fyrir. Sársaukinn er óbærilegur.“

Mueller og eiginmaður hennar byrjuðu búflugnabúskapinn eftir að hún hafði misst fóstur í tvígang. „Býflugur tákna nýtt líf og eftir að ég hafði misst fóstur tvisvar, þá vantaði mig nýjan tilgang. Ég tengdi við býflugurnar og þær hjálpuðu mér við að taka hugann frá erfiðleikunum. Sumir stunda jóga, ég er með býflugur.“

Hjónin eiga þrjú börn, Cadyn 10 ára, Madelynn 3 ára og Westyn 1 árs og voru himinlifandi þegar þau komust að því að fjórða barnið væri á leiðinni. „Þetta barn verður það síðasta,“ sagði Mueller, þegar myndatakan fór fram í sumar.

Drengurinn var skírður Emersyn Jacob. Segist móðir hans þakklát fyrir stuðninginn sem nærsamfélagið og aðrir hafa sýnt henni og fjölskyldu hennar. „Hann var elskaður af svo mörgum og við sjáum það af þeirri ást og stuðningi sem þið sýnið okkur. Að vita að fólk er að hugsa um okkur og syrgir með okkur léttir sársauka okkar svo mikið.“

https://www.facebook.com/MuellerHoneyBee/posts/704907209708164