James Corden er með spjallþáttinn The Late Late Show With James Corden og er duglegur að fá til sín hina ýmsu gesti. Bleikt fjallar oft um Carpool Karaoke en þá fær hann tónlistarfólk til að koma á rúntinn með sér og syngja nokkur vel valin lög í leiðinni. Stjörnur eins og Lady Gaga, Harry Styles og fyrrum kryddpían og tískugoðið Victoria Beckham hafa farið í Carpool Karaoke hjá Corden. Victoria er eiginkona fótboltakappans fræga David Beckham eins og mörgum er kunnugt og er David góður vinur James Corden.
Nýlega mættu James Corden og David Beckham í áheyrnaprufur fyrir hlutverk njósnarans James Bond. Þeir flytja frægar línur úr samnefndum kvikmyndum og gera fleira skemmtilegt til að keppast um hlutverkið. Þetta er alveg stórskemmtilegt myndband og tilvalið fyrir harða aðdáendur þeirra beggja eins og við erum hér á Bleikt.
Þetta er ekki í fyrsta sinn að David Beckham kemur fram í The Late Late Show With James Corden. Í mars 2015 sýndu þeir saman undirfatalínu, stilltu sér upp í hinar ýmsu stellingar og gáfu endalausan kynþokka frá sér. Horfðu á myndbandið hér fyrir neðan.
