Fyrr í vikunni var tilkynnt um 37 flytjendur til viðbótar við þá sem þegar hefur tilkynnt að muni koma fram á tónlistarhátíðinni Secret Solstice í Laugardalnum í júní. Þekktasti listamaðurinn í þessum síðasta listamannapakka er líklega bandaríski rapparinn Ab-Soul, en einnig var tilkynnt að rokkararnir í Agent Fresco, rappararnir í XXX Rottweiler og Cyber og Euruovision-stjarnan Daði Freyr kæmu fram á hátíðinni.

Þar með er dagskrá Secret Solstice fullskipuð en áður hafði verið tilkynnt að stjórstjörnurnar Rick Ross, Big Sean, Richard Ashcroft, Anderson Paak, Rhye, Chaka Khan, Foo Fighters, The Prodigy og á annað hundruð aðrir listamenn kæmu fram á hátíðinni sem fer fram 16. til 18. júní næstkomandi.

Tilkynninguna má finna á vefsíðu Secret Solstice.