Reykjavíkurmaraþon er að bresta á og þar ætla margir að ögra sjálfum sér og vinna persónuleg afrek. En sumir láta ekki þar við sitja heldur styðja góð málefni í leiðinni. Meðal þeirra er Pawel Bartoszek, þingmaður Viðreisnar, sem hleypur 10 km til stuðnings Afstöðu, félagi fanga.
Bartoszek hefur nú safnað 12.000 krónum í áheitum en alls hefur Afstaða fengið til sín 345.000 kr. í áheitum vegna Reykjavíkurmaraþonsins.
