Leikarinn Judge Reinhold (59) var handtekinn á flugvelli í Dallas á fimmtudag eftir að hafa lent í útistöðum við öryggisvörð. Reinhold, sem margir muna eftir úr bíómyndunum Beverly Hills Cop og Fast Times at Ridgemont High frá níunda áratug síðustu aldar, var færður í fangageymslur þar sem hann mátti dúsa yfir nótt.

Bandarískir fjölmiðlar greina frá því að Reinhold hafi neitað að undirgangast öryggisleit við öryggishlið TSA, viðrað óánægju sína við öryggisvörð og því fór sem fór.

Leikarinn tjáði sig fjölmiðla eftir að hann var látinn laus úr haldi og kvaðst skammast sín fyrir uppákomuna. Reinhold gæti átt yfir höfði sér smávægilega sekt.