„Ísland er mjög sérstakur og einstakur staður sem er ólíkur öllum öðrum,“ segir Bandaríkjamaðurinn Mateo Askaripour sem heimsótti Ísland á dögunum og kolféll fyrir landi og þjóð. Ákvað að búa til myndband um ferðalagið af þeirri ástæðu að hann vill að sem flestir jarðarbúar sæki landið heim.

~Eftir að hafa heimsótt Reykjavík, Vík og fjölmarga aðra staði vítt og breitt um landið kom ég heim og var staðráðin í að deila með fólki þessu fallega landslagi, fólkinu sem ég hitti og yfirhöfuð þessu stórkostlega náttúrundri sem Ísland er,“ segir hinn nýji Íslandsvinur.

„Tilgangurinn var ekki aðeins sá að sýna hversu ótrúlegt Ísland er heldur vildi ég líka hvetja enn fleiri til að heimsækja landið,“ segir hann og bætir við að Íslandsheimsóknin hafi haft ákveðinn lækningamátt og að honum finnist hann endurnærður. „Sérstaklega þar sem að ég bý í New York þar sem að lætin og áreitið stoppar aldrei,“ segir hann en myndbandið má sjá hér fyrir neðan.

[youtube https://www.youtube.com/watch?v=1JWsMO2ysL8&w=854&h=480]