Ned Fulmer var hluti af vinsælu YouTube-rásinni Try Guys, ásamt Eugene Lee Yang, Zach Kornfeld og Keith Habersberger. Þeir voru á þeim tíma með tæplega átta milljón áskrifendur og fyrirtæki í kringum rásina.
Þeir hófu feril sinn saman á BuzzFeed en sögðu skilið við miðillinn árið 2018 og einbeittu sér alfarið að YouTube. Myndbönd þeirra voru að fá allt að 20 til 30 milljónir áhorfa og er óhætt að segja að vinahópurinn hafi verið vinsæll.
Makar þeirra og samstarfsfélagar komu reglulega fram í þáttunum og á yfirborðinu virtist þetta verið heilsteyptur og heilbrigður vinnustaður.
Ned Fulmer var þekktur sem „wife guy“, þar sem hann var sífellt að tala um eiginkonu sína, Ariel, og hvað hann elskaði hana mikið. Það var því mikið áfall fyrir aðdáendur þegar framhjáhald hans og starfsmanns Try Guys kom upp á yfirborðið.
Myndband af honum og Alexandriu, undirmanns hans í fyrirtækinu, kyssast fór eins og eldur í sinu um netheima og fór af stað atburðarrás sem endaði á því að Ned Fulmer var rekinn úr Try Guys.
Eins og fyrr segir vakti málið gríðarlega athygli á sínum tíma og fjölluðu allir helstu fjölmiðlar vestanhafs um skandalinn. Þrjú ár eru liðin, Try Guys hafa haldið áfram sínu striki og ekkert heyrst í Ned Fulmer. Þar til nú.
Ned var að byrja með nýja hlaðvarpsþætti, Rock Bottom, en nafnið vísar til þess að framhjáhaldsskandallinn hafi verið hans lægsti punktur. Hann ætlar að taka viðtöl við fólk sem hefur „lent á botninum“ og hvernig það kom sér í gegnum það.
„Mér finnst ég tilbúinn til að deila sögu minni og hefja nýjan kafla,“ sagði Ned við People.
Ekki nóg með það þá var Ariel, eiginkona hans, gestur í fyrsta þættinum. Það helsta sem við vitum eftir þáttinn er að Ned og Ariel eru nýlega skilin að borði og sæng, þau eiga saman tvö börn og einbeita sér nú að foreldrahlutverkinu.
Í þættinum segir Ariel að framhjáhaldið hafi komið flatt upp á hana, hana hafi ekki grunað neitt og að þetta hafi verið mjög erfitt. Hún segir einnig að hún hefur ekki fyrirgefið Ned og ætli ekki að gera það.
Horfðu á þáttinn hér að neðan.
