Ganga er frábær og aðgengileg hreyfing sem styrkir hjarta- og æðakerfið, bætir skapið og dregur úr streitu og hættu á langvinnum sjúkdómum. En flestir ganga á sjálfstýringu – án þess að hugsa um líkamsstöðu, líkamsbeitingu eða öndun. Meðvitað göngulag getur umbreytt þessari daglegu hreyfingu í fullkomna líkamsrækt.
Líkamsstaða: Haltu höfði, öxlum og mjöðmum í lóðréttri línu. Forðastu framhallandi höfuð eða sveigt mjóbak.
Vandaðu skrefin: Lentu mjúklega á hæl eða miðfóti og rúllaðu áfram til táa. Fætur ættu að vísa beint áfram.
Virknin kemur aftan frá: Finndu að þú ýtir þér áfram með rassvöðvum.
Hreyfðu handleggina: Láttu handleggina sveiflast náttúrulega á móti fótunum. Skiptu reglulega um hlið ef þú heldur á tösku eða taumi.
Augnaráð fram: Ekki horfa niður – og alls ekki í símann!
Vertu meðvituð/ur: Finndu fyrir líkamanum – hvernig hann hreyfist og andar.
Andaðu djúpt og taktfast: Andaðu í gegnum nefið í fjórum skrefum og blásaðu frá þér í sex. Þetta róar taugakerfið og bætir líkamsstöðu.
