Hilda segir að þetta hafi ekki verið hefðbundin listasýning, heldur lifandi hátíð lista, tísku og góðgerðastarfs, knúin áfram af einstöku teymi skapandi einstaklinga og innblásin af þörf samfélagsins fyrir samkennd.
„Hugmyndin að Exhibit 1.0 fæddist af einfaldri en djúpstæðri löngun: Að sameina glæsileika listasafns með krafti tísku. Undir lokin var uppboð og rann ágóðinn til góðgerðamála fyrir heimilislausa.“ Það var margt spennandi á uppboði, meðal annars gaf NFL-kappinn Ty Montgomery Hildu áritaða jersey frá Patriots.
Hilda er listrænn stjórnandi verkefnisins. Hún hefur bakgrunn sem fyrirsæta, stílisti og skartgripahönnuður. Hinir eru Angel Virtuoso, rekstrarstjóri og fatahönnuður, og Trevar Smooth, list- og viðburðarstjóri með yfir áratug af reynslu úr listheiminum og stofnandi verkefnisins.
Þau fengu til liðs við sig Tony James, hönnuð Throne of Grace Clothing, fatamerki frá Arizona, og Payton Whitmore, útvarpsstjörnu í Arizona.
View this post on Instagram
Hilda segist vera þakklát fyrir allt traustið frá hönnuðum og fyrirsætum sýningarinnar.
„Sérstaklega Payton þar sem hún er ekki fyrirsæta heldur útvarpskona á Kiss FM og fyrrum körfuboltakona. En hún vildi fá aðstoð við að „rebranda“ sjálfa sig. Hún er þekkt fyrir „tomboy lookið“ svo mér datt í hug að setja saman þetta litla verkefni. Ég fékk hana líka með mér í model casting og fékk fyrirsætuþjálfarana Dalila Ajanovic og Makayla Larson til að aðstoða Payton við gang, pósa og fleira og hún gjörsamlega negldi þetta! Og Tony gerði algjörlega sitt líka og hannaði fallegan fatnað á hana,“ segir hún.
Hér að neðan má sjá myndir úr línunni hans Ross, ‘Elevate’ sem hann síðan gaf til góðgerðarmála. Hann gaf 20 buxur og boli úr línunni sinni til heimilislausra en margir kannast kannski við Ross sem fyrirsætu Under Armour.
Hægt er að kynna sér Exhibit 1.0 nánar á Creative Mag.
