Ásdís Ásgeirsdóttir, blaðamaður og ljósmyndari á Morgunblaðinu, hefur sett einbýlishús sitt í Garðabæ á sölu.

Húsið sem er við Löngumýri er 306 fm byggt árið 1989. Húsið er á þremur hæðum og er séríbúð í kjallara. Bílskúrinn er byggður árið 2002, 32,8 fm með 32,8 fermetra geymslu undir skúr. Húsið er frábærlega staðsett innst í botnlanga í gróinni og fallegri götu.  

„Fallega húsið mitt komið á sölu! Opið hús á sunnudaginn. Deilið eins og vindurinn,“ segir Ásdís á Facebook.

Húsið skiptist í forstofu, hol, gestasalerni, eldhús, samliggjandi stofur og herbergi á fyrstu hæð.

Í rishæð er sjónvarpshol, hjónaherbergi, tvö barnaherbergi og baðherbergi.

Séríbúð er í kjallara með sérinngangi, 101,8 fm, og skiptist hún í forstofu, eldhús, samliggjandi stofur, tvö svefnherbergi og baðherbergi.

Ásdís skrifar í Sunnudagsblað Morgunblaðins, alla jafna forsíðuviðtal blaðsins auk þess sem hún er lærður ljósmyndari og myndar viðtalsefni sín. Árið 2022 hlaut hún Blaðamanna­verðlaun Blaðamanna­fé­lags­ins fyr­ir viðtal árs­ins. 

Viðtalið tók hún við Óla Björn Pét­urs­son, þar sem hann grein­ir frá grófu kyn­ferðisof­beldi er hann varð fyr­ir á ung­lings­aldri. Í rök­stuðningi er frá­sögn­in tal­in slá­andi en afar upp­lýs­andi enda sæki hún á les­and­ann sem fái raunsanna lýs­ingu á því hvernig ung­ling­ur er ginnt­ur af barn­aníðingi. Var Óla haldið með hót­un­um og of­beldi en tókst hon­um síðar að losa sig og end­ur­heimta líf sitt.

Nánari upplýsingar um eignina má finna hér.