Teiknimyndaþættirnir South Park eru búnir að setja allt á hliðina með vægarlausu gríni á kostnað Bandaríkjaforseta. Annars vegar var um að ræða gervigreindarmyndband þar sem forsetinn sést fækka fötum í eyðimörkinni og hins vegar atriði þar sem forsetinn reynir við skrattann. Í báðum tilvikum er forsetinn sagður vera með ogguponsulítinn getnaðarlim.
„Hræsni vinstrisins virðist engan enda ætla að taka – árum saman hafa þeir ráðist á South Park fyrir það sem þeir kalla „móðgandi“ efni en skyndilega eru þeir núna að hrósa þáttunum,“ sagði Taylor Rogers talsmaður Hvíta hússins í yfirlýsingu til fjölmiðla.
„Rétt eins og höfundar South Park hefur vinstrið ekkert uppruna- eða frumlegt fram að færa sem er ástæðan fyrir því að vinsældir þeirra ná sífellt nýjum lægðum. Þessi þáttur hefur ekki skipt nokkru máli í rúm 20 ár og hangir á bláþræði með ófrumlegum og órvæntingafullum tilraunum til að vekja athygli. Trump hefur efnt fleiri loforð síðasta hálfa árið en nokkur annar forseti í sögunni – og enginn fjórða flokks sjónvarpsþáttur mun stöðva sigurgöngu forsetans.“
Íbúar fjallabæjarins South Park standa í ströngu í fyrsta þætti nýrrar seríu. Þeim tókst að reita Trump til reiði og eiga nú yfir höfði sér málsókn frá forsetanum. Forsetinn gengur hart fram og fer svo að bærinn leitar sátta. Til að friðþægja forsetann lofa bæjarbúar að framleiða jákvæðar auglýsingar um Trump, sem þátturinn gerir svo með gervigreindarmyndbandi þar sem forsetinn sést ganga í gegnum eyðimörkina fyrir þjóð sína, fækka fötum og leggjast loks nakinn í sandinn. Þá stingur ogguponsulitli getnaðarlimurinn upp höfðinu en höfundar þáttanna bættu augum á getnaðarliminn svo hann yrði ekki ritskoðaður. „Limur hans er oggupons en ást hans til okkar er stór“.
Þarna eru höfundar South Park að skjóta föstum skotum á streymisveituna Paramount, sem er og verður heimili South Park næstu árin. Trump hafði stefnt Paramount út af viðtali 60 Minutes við forsetaframbjóðandann Kamala Harris, en Trump taldi að viðtalið hefði verið klippt til svo Harris kæmi betur út. Paramout samþykkti loks að greiða Trump bætur og taka á sig að birta fyrir Trump almannaþjónustuauglýsingar og annað slíkt. Fyrirtækið hefur verið harðlega gagnrýnt fyrir samkomulagið og sagt hafa kysst vöndinn. Mun Paramount hafa farið þá leið að sefa reiðina í forsetanum til að tryggja samþykki yfirvalda á fyrirhuguðum samruna Paramount og afþreyfingarfyrirtækisins Skydance.
Höfundar South Park gerðu á dögunum samning við Paramount sem er metinn á tæpa 190 milljarða, en samningurinn tryggir streymisveitunni sýningarrétt á 50 nýjum þáttum sem verða framleiddir næstu fimm árin. Blekið var varla þornað þegar fyrsti þátturinn fór í loftið og finnst netverjum hreint stórkostlegt að þar hafi South Park strax rústað öllum tilraunum Paramount til að halda forsetanum góðum.
Það kemur líklega fáum á óvart að stuðningsmenn Trump eru ekki sáttir með efnistök nýjasta South Park þáttarins. Andstæðingar forsetans eru hins vegar í skýjunum.
#SouthPark All I can say: WOW pic.twitter.com/DQ7gTbmfot
— Mario Ritchie (@SnooPits_867) July 24, 2025
MAGA: Bring back comedy!!
South Park: Ok
MAGA: No not like that
— Donhammed Trumpistan (@TheRealDon85) July 24, 2025
This is beyond disrespectful and the creators of South Park should be ashamed and fired by Paramount.
I understand the need to satirize things & get your jokes off or whatever but there should be a line.
Like is it really necessary or acceptable to disrespect Satan like this? https://t.co/o7Zl8j3Qdu
— HIMchicero (@Puto_Takagi) July 24, 2025
It’s over. South Park’s gone woke. I’m taking my own life pic.twitter.com/rAHB9cTt3w
— 👹 (@falseReflex) July 24, 2025
South Park has gone woke. They must go broke.
— Rand Matthews 𝕏 (@RandMatthews) July 24, 2025
