Vilhjálmur Bretaprins er 42 ára í dag og af því tilefni deildi eiginkona hans, Katrín, skemmtilegri nýrri mynd af Vilhjálmi prins hoppandi af gleði með börnum þeirra George, Louis og Charlotte.
„Til hamingju með afmælið pabbi, við elskum þig öll svo mikið!“
View this post on Instagram
Fjölskyldan er hversdagslega klædd í stuttbuxum, börnin í bolum og Vilhjálmur í hettupeysu, öll að leik við ströndina. Myndinni svipar til þeirrar sem Katrín deildi af eiginmanni sínum og börnum á feðradaginn.
View this post on Instagram
Á samfélagsmiðlum konungsfjölskyldunnar er afmælinu einnig fagnað og mynd birt af Vilhjálmi sem ungbarni í fangi föður hans Karls konungs. „Við óskum prinsinum af Wales innilega til hamingju með afmælið!“
Þjóðminjasafn konunglega sjóhersins birti einnig afmælisfærslu þar sem Vilhjálmi var hrósað fyrir „mikilvægt starfi hans hjá konunglega sjóhernum sem hluta af herþjálfun hans og lauk tveggja mánaða þjálfun árið 2008. Fjölbreytt þjálfun hans hefur verið til marks um skuldbindingu hans til að þjóna landi sínu.“
Happy Birthday to His Royal Highness The Prince of Wales.
Prince William had a significant stint with the Royal Navy as part of his military training completing a two-month attachment in 2008.
His diverse training has been a testament to his commitment to serving his country. pic.twitter.com/ozIXE5GluA
— The National Museum of the Royal Navy (@NatMuseumRN) June 21, 2024
Síðastliðið ár hefur verið krefjandi hjá Vilhjálmi þar sem eiginkona hans og faðir greindust bæði með krabbamein, og er Katrín enn í meðferð. Hún dró sig frá opinberum skyldustörfum en kom fram ásamt fjölskyldu sinni síðastliðna helgi við Trooping the Color, þar sem orrustuþotur breska hersins flugu með litagleði og látum yfir Buckinghamhöll. Tilefnið var afmælisfögnuður Karls konungs, sem á þó ekki afmæli fyrr en í nóvember. Dagsetningin á sér rúmlega tveggja alda sögu og á rætur að rekja til Georgs II, sem var fæddur í október en vildi halda upp á afmælið sitt þegar veður var betra fyrir afmælisfögnuð.
Katrín deildi persónulegum skilaboðum til þjóðarinnar þar sem hún sagðist vera í góðu bataferli, en þó væri enn langt í land. Sagðist hún eiga góða daga og slæma og enn væru nokkrir mánuðir framundan í lyfjameðferð.
