Hjónin Ellen DeGeneres og Portia de Rossi hafa í gegnum tíðina átt nokkrar fasteignir og jafnan náð að selja þær aftur með ágóða. Það á þó ekki við fasteign þeirra í Montecito, sem þær vildu fá 5,8 milljón dollara fyrir, en náðu loksins að selja á 5,1 milljón dollara eða um 300 þúsund dollurum minna en þær keyptu eignina á, tæp 41 milljón íslenskra króna.

Fyrir tveimur mánuðum seldu þær aðra fasteign sem þær áttu með ágóða upp á 7 milljónir króna og í september í fyrra þá þriðju í Santa Barbara með ágóða upp á 15 milljónir dollara, þannig að salan á Montecito eigninni ætti ekki að hafa veruleg áhrif á fjárhaginn.

Eignin í Montecito var byggð í upphafi 20. aldar og hvílir á næstum fjórðungi hektara lands falið á bak við hátt limgerði. Byggingin er u-laga með tveimur svefnherbergjum og þremur baðherbergjum í rúmlega 1.900 fm íbúðarrými á einni hæð, harðviðargólf, hvelfdu lofti, skrautsúlum og upprunalegum innbyggðum innréttingum.

Verönd opnast inn í breiðan gang sem leiðir fólk inn í stofu með arinn og stórum gluggum. Eldhúsið er með granítborðplötum og nýrri innréttingu, borðstofa og húsbóndaherbergi með arinn og eitt baðherbergið er innréttað sem spa.

Í bakgarðinum eru þrjár aðskildar byggingar: eins svefnherbergja, eins baðs gestabústaður, aukaíbúð og bílskúr fyrir einn bíl.