Ben mætti ásamt eiginkonu sinni, söng- og leikkonunni Jennifer Lopez, á verðlaunahátíðina. Myndir og myndbönd af leikaranum fóru eins og eldur í sinu um netheima og voru höfð að háði og spotti. Hann varð að svo kölluðu jarmi (e. meme) og ekki nóg með það fór myndband af stjörnuhjónunum í mikla dreifingu, en í því virðast þau vera að rífast.
Sjá einnig: Rifrildið ekki það eina sem vakti athygli – Sjáðu svipbrigðin sem eru að gera allt vitlaust
Í viðtali við The Hollywood Reporter sagði Ben að hann hafi skemmt sér vel þetta kvöld.
„Ég skemmti mér vel. Eiginkona mín var að fara og ég hugsaði: „Það verður góð tónlist, það verður kannski skemmtilegt.“ Á kvikmyndaverðlaunahátíðum eru ræður og svona, þannig ég hélt að þetta yrði skemmtileg,“ sagði hann.
Hann útskýrði einnig atvikið við borðið og myndbandið þar sem þau virðast rífast.
„Ég sá kynnirinn [Trevor Noah] nálgast og var alveg: „Ó, Guð.“ Við vorum í mynd en ég vissi ekki að þau væru byrjuð að taka upp. Ég hallaði mér að [Jennifer] og hvíslaði: „Um leið og þau byrja að taka upp ætla ég að fara og skilja þig eftir sitjandi með Trevor.“ Og hún sagði: „Það er eins gott að þú fokking farir ekki.“ Þetta er svona hjónadæmi. Ég meina sumt af þessu er ég alveg: „Hvaða atriði er þetta?“ Ég næ ekki að fylgjast með. En eiginkona mín gerir það, augljóslega. Og þetta er vinnuviðburður hennar.“
The way Jlo and Ben didn’t know they were being filmed 💀😂 #GRAMMYs pic.twitter.com/wgZCxTyNGK
— BravoBabe (@thebravobabe_) February 6, 2023
Sjá einnig: Myndband af J.Lo og Ben Affleck rífast fer eins og eldur í sinu um netheima
Stórstjörnurnar gengu í það heilaga og héldu þriggja daga veislu í fyrra eftir að hafa tekið saman á ný ári áður, eftir rúmlega sautján ára aðskilnað. Þau voru saman á árunum 2002 til 2004.