Eitt umtalaðasta par síðustu ára eru þau Vítalía Lazareva nemi og Arnar Grant einkaþjálfari og ættu allir sem fylgjast með fréttum að kannast við fjárkúgunarmálið, en Vítalía kærði þrjá menn um að hafa brotið á sér í sumarbústað árið 2020. Í lok ágúst staðfestði ríkissaksóknari ákvörðun um að fella niður rannsókn á kynferðisbrotamáli á hendur mönnunum, Hreggviði Jónssyni, Ara Edwald og Þórði Má Jóhannessyni. 

Í júní var greint frá því að héraðssaksóknari hefði ákveðið að fella niður rannsókn á kæru sem lögð var fram gegn Vítalíu Lazarevu vegna meintrar fjárkúgunar gegn þremenningunum.

Sjá einnig: Vítalía verður ekki ákærð fyrir tilraun til fjárkúgunar – Málið fellt niður

Samband parsins hefur verið stormasamt, en í vor fjallaði DV um að Vítalía sakaði Arnar um heimilisofbeldi.

Sjá einnig: Vítalía svarar fyrir sig og sakar Arnar um ofbeldi – Birtir skjáskot um atvikið í heita pottinum

Svo virðist sem ástin hafi þó náð að sigra allt því Mannlíf greinir frá því fyrr í dag að parið hafi verið saman í Varsjá, Póllandi um síðustu helgi. Þar sást til þeirra saman í bifreið og virtist fara vel á með þeim.